Na Gira Nah!!!

by **love4life97** Mon Jan 04, 2010 9:19 pm

mere dost khuda ke vaaste ansun na girana
bahut ro liye ab magar is tarah din na bitana

badi mushkilon se milta hai dil kisi se kisi ka
waqt ki tez aandhi se dil se pyaar na mitana

bohat ho chuki rishton ki qashmakash mere saathi
aao manzil nayi chune kisi ko bhi pade na batana

tum apne dil ki karo hum tumhare dil ki
jo yehi chahte ho to ise humse na chhupana

bohat shiddat rakhte hain bohat himmat rakhte hain
hamari zindadili ko apne ashqon me na dubaana

kisi gair ka bhi dil toota nahi tere dost se ab tak
hum kaise yaqi dilaayen bus bharosa na aazmana

ek yahi hasrat hai saamne aake raho tum
yun naqaabon me rahke dil ko thhes na lagana

kisi ki zindagi muqammal nahi sabhi ke halaat alag hain
khushiyan ho tum kisi ko bhi apne nazar se na girana !!!

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31