Ujalo Ka Safar Karna Parega

Jo kat gayee us raat kaa maatam nahein karna
jo kho gaya us pal ka Zara Ghum nahi karna

ik aur naye Subh ka sooraj hai ufaq par
aankh apne gayi waqt par tum nam nahi karna

maana keh bohat dukh the yaha pichle pehar mein
maanaa keh Khushi Doob gayi Ghum ke bhanwar mein

maanaa keh kati raat bhi ashkon ke safar mein
maanaa keh sabhee Khwaab bahe deedah-e-tar mein

lekin yeh Haqeeqat hai keh hota bhe wohi hain
hanstaa hai jo kal, Subh ko rotaa bhi wohi hain

sach Zehr hai lekin use peenaa hee pare gaa
hanste hue tum ko yahaan jeenaa hee pare gaa

ik u'mr bitaayee hai to ik u'mr hai baqi
maloom naheen kitnee rahe kal mai-e-saaqee

haan! apne liye Khud se tumhen larnaa pare gaa!
raushan yeh andheron kaa nagar karnaa pare gaa!

ab Subh nayi door naheen! yaad rakho tum
Khwaabon ko ujaalon kaa safar karnaa pare gaa!